№5 хаттамасы 

Күні: 2.05.2025ж                                                   Кеңес ауылдық округі

Күн тәртібінде:

1.Ағымдағы оқу жылының аяқталуына байланысты 5-8; 10 сынып оқушыларының аралық емтихан мәселелері және 9-11 бітіруші сыныптарының мемлекеттік емтихан тапсырмалары. Оқу ісінің орынбасарлары: Тескенбаева Г.К.

2.Міндетті мектеп формасының талаптарын сақтау. Жаз мезгілінде оқушылардың мектеп жанындағы лагерьде үйірмелерге қамтылуы. Директордың тәрбие ісі жөніндегі орынбасары У.А.Миравилдаева,әлеуметтік педагог Буланова Ж. 

3.Балалардың қауіпсіздік шараларын қамтамассыз ету. (жаз мезгіліндегі өмір қауіпсіздігі, жол және суда шомылу, түнгі мезгіл, мереке күндері т.б) директордың құқықтық ісі жөніндегі орынбасары Сейітқазиева Ж., Кеңес ауылының КТІЖ УПИ полиция капитаны Оспанбеков Е.А.

4.Мектеп қабырғасында өтілетін түрлі салтанатты шараларға ешбір қаражат жиналмауы және қосымша әртүрлі мәселелер бойынша: Мектеп директоры Б.С.Менилбеков.

Тыңдалды:

Бірінші мәселе бойынша Г.К.Тескенбаева Үлгілік қағидаттарын бекіту туралы " ҚР Білім және ғылым министрлігінің 2008 жылғы 18наурыздағы N125 бұйрығының 35-тармағына сәйкес 2024-2025 оқу жылында "Қазақ тілі ",Қазақ тілі мен әдебиеті" пәндерінен емтихан тапсырады. Емтихан тапсыру барысында Ы.Алтынсарин атындағы Ұлттық академиясы бекіткен әдістемелік ұсыным талаптары өзгеріссіз сақталады. Мақсаты: Білім алушылардың Қазақ тілі, Қазақ тілі мен әдебиеті пәндері бойынша оқу бағдарламасының көлемін меңгеру деңгейін негізгі орта білім берудің мемлекеттік жалпыға міндетті білім беру стандарты талаптарына сәйкес бағалау.

Емтихан 26.05-28.05 аралығында өткізіледі. 9,11 сынып оқушыларының мемлекеттік емтихан тапсыру жұмыстарымен ата-аналарды таныстырды. 9 сыныптар үшін мемлекеттік емтихандар: 29 мамырдан -10 маусым аралығында.

 11-сыныптар үшін: 30 мамырдан-16 маусым аралығында 5-пәннен мемлекеттік емтихан тапсыратынын ескертті.

Екінші мәселе бойынша: директордың тәрбие ісі жөніндегі орынбасары У.А.Миравилдаева ата-аналарға келесі 2025-2026 оқу жылында міндетті мектеп формасы бойынша түсіндіріп өтті. Мектептерде зайырлық ережелері мен талаптары қатаң сақталуы тиіс және міндетті. Сондықтан келесі 2025-2026 оқу жылында міндетті мектеп формасы сақталатыны жайында және Қазақстан Республикасы Білім және ғылым Министрінің 2016 жылғы 14 қаңтардағы №26 «Орта білім беру ұйымдары үшін міндетті мектеп формасына қойылатын талаптарды бекіту туралы» ережесіндегі өзгерістерге тоқталып өтті. Оқу жылының қыркүйек айынан бастап, міндетті мектеп формасына қойылатын талап сақталатынын ескертті. Қазақстан Республикасының «Білім туралы» Заңының 47 – бабының 15 – 1 тармағында «Орта білім беру ұйымдарында білім алушылар міндетті мектеп формасына қойылатын талаптарды сақтауға міндетті». Осы заңның 49 – бап 6 тармағында ата – аналар мен олардың заңды өкілдері «білім беру саласындағы уәкілетті орган белгіленген, міндетті мектеп формасына қойылатын талаптарды орындауға тиіс» екені бекітілген. Осыған байланысты мектепте діни киімдерді киюге рұқсат етілмейтіні ескертілді. Мектеп формасын сақтамаған оқушылар бар болған жағдайда олардың ата-анасына немесе заңды өкіліне Қазақстан Республикасы «Әкімшілік құқық бұзушылық туралы» Кодексінің 409-бабының 2-бөлігіне сәйкес әкімшілік құқық бұзушылық туралы іс қозғалатындығы жайлы жазбаша хабарланатыны жайында айтып өтті. Мектеп формасына түрлі діни конфессияларға қатысты киім элементтерін қосуға болмайтынын да түсіндірді. Мектептің ата-аналар комитеті, қамқоршылық кеңесі және ата-аналармен келісе отырып, барлығы бірауыздан 2025-2026 оқу жылында мектеп формасы қолжетімді, қара, қара көк түсті, классикалық стильде, ақ кофта, ақ жейде болатынына келісім жасады. Мектеп формасының үлгісі классикалық стильде, бірыңғай ақ жейде, ақ кофта, қара, қара көк) түстерден юбка, шалбар және осы үшеуден асырмайтын түстерді араластыруға тоқтады.

Ұлдардың мектеп формасы: қара, қара көк түсті пиджак, тобықты жабатын классикалық шалбар, мерекелік ақ жейде, күнделікті ақ жейде, /кардиган, поло жейде немесе тенниска (қысқы мезгілде: трикотаж жилет) Ұлдарға арналған шалбарлар еркін тігілген және ұзындығы бойынша тобықты жауып тұрады. 

Қыздардың мектеп формасы: Ақ кофта, қара, қара көк юбка, юбка тіземен бірдей келетін. Тізеден жоғары және төмен болмайтыны ескертілді. (Атлас, желбір, алды жырық т.б басқа келеңсіз үлгіде болмайтыны ескертілді.) Қара, қара көк түсті классикалық шалбар, классикалық ақ жейде, ақ кофта жағасы бар. (қысқы уақытта: трикотаж жилет,) Қыздарға арналған шалбарлар еркін тігілген және ұзындығы бойынша тобықты жауып тұрады. Мектеп формасын таңдауда және оны күнделікті киюге білім алушыларға ыңғайлы болуы тиіс. 

Жаз мезгілінде үйірмелерге қамтылудағы өмір қауіпсіздігін сақтауды, бақылауда ұстауын түсіндіріп өтті. 

Мектептің әлеуметтік педагогы Буланова  аталған отбасылар санатына қарай 2025-2026 оқу жылында есепке мектепішілік тізімге алынып, содан кейін аудандық білім беру бөліміне сұраныс жасала отырып, мемлекеттік білім беру ұйымдарының білім алушылары мен тәрбиеленушілеріне қаржылық және материалдық көмек және білім алушылар мен тәрбиеленушілердің жекелеген санаттарына тегін және жеңілдетілген тамақтандыруды ұсынылатындығын түсіндірді.

Үшінші мәселе бойынша: Мектеп инспекторы, директордың құқықтық ісі жөніндегі орынбасары оқушылардың түнгі уақытта ата-аналарынсыз жүрмеуін, оқушылардың өмір қауіпсіздігін сақтау мақсатында суға шомылу, өрт қауіпсіздігі, мереке күндері тауға, сауық орындарында жүрмеуін ескертті. Білім алушылардың сабаққа уақтылы келуі, сабаққа қатысуы бақылауда екенін түсіндірді. 

Төртінші мәселе бойынша:

Мектеп директоры ағымдағы оқу жылында мектептің жетістіктерімен, атқарылған жұмыстармен, білім алушылардың өмір қауіпсіздігіне қатысты мәселелермен кеңінен тоқталып өтті. Сонымен бірге алдымыздағы мектеп формасына қойылатын талаптарды, жаз мезгілінде оқушылардың мектеп жанындағы лагерьде үйірмелерге қамтылуы, түнгі мезгілде үйден шығып Заң талаптарын бұзуына жол берілмеуін бақылауда ұстауын талап етті. Жиналысты қорытындылай келе, оқу жылының аяқталуына байланысты мектеп бітірушілер және ата-аналар ақша жиналмауын қатаң ескертті. Аттестатт тапсыру шарасында дастарқан ұйымдастыру, аниматор жалдау, тау бөктеріне қыдыру мейрамханадарда атап өтуге жол берілмейтінін ата-аналарға ескертіп өтті

Шешімі:

1. "Қазақ тілі ",Қазақ тілі мен әдебиеті" пәндерінен білім алушылар  емтиханға дайындалсын, ата-аналар қадағаласын. Емтихан 26.05-28.05 аралығында өткізілсін. 9,11- сынып оқушыларының мемлекеттік емтихан тапсыру жұмыстарымен ата-аналарды сынып жетекшілер жеке таныстырсын.  
2. Қазақстан Республикасы Білім және оқу ағарту министрі бекіткен мектеп формасы  сақталсын, қадағалансын. 2025-2026 оқу жылында ата-аналар  және олардың заңды өкілдері оқушыларды белгіленген міндетті  мектеп формасымен  киіндіруіне міндеттелсін. Сынып жетекшілер оқушыларға мектеп формасы жайында айтылған талаптарды толық түсіндірсін, жұмыс жүргізсін,  қадағаласын. Мектеп формасының талаптарының орындалуы әрбір сынып жетекшісінен және ата – аналардан талап етілсін. 
3. Оқушылардың түнгі уақытта ата-аналарынсыз жүрмеуін, оқушылардың өмір қауіпсіздігін сақтау мақсатында суға шомылу, өрт қауіпсіздігі, мереке күндері тауға, сауық орындарында жүрмеуін ескертсін. Білім алушылардың сабаққа уақтылы келуі, сабаққа қатысуы бақылауда екені түсіндірілсін. Жазғы демалыс уақытында:балалардың қауіпсіздігі қадағалансын (суға шомылу, жол қозғалысы, интернет т.б.
4.  Аталған отбасылар санатына қарай 2025-2026 оқу жылында есепке мектепішілік тізімге алынып, мемлекеттік білім беру ұйымдарының білім алушылары мен тәрбиеленушілеріне қаржылық және материалдық көмек және білім алушылар мен тәрбиеленушілердің жекелеген санаттарына тегін және жеңілдетілген тамақтандыру ұсынылсын.
5. Оқу жылының аяқталуына байланысты мектеп бітірушілер мен  олардың ата-аналарына  ақша жиналмауы қатаң ескертілсін. Аттестат тапсыру шарасында дастарқан ұйымдастыру, аниматор жалдау, тау бөктеріне қыдыру мейрамханаларда атап өтуге жол берілмейтіні қатаң бақылауда ұсталсын.Соңғы қоңырауға және қорытынды аттестаттау кезінде ата-аналарға:әкімшілік пен педагогикалық қызметкерлерге қаражат жинауға және мұғалімдерге сыйлық беруге жол бермеу;