1967 жылы іргесі қаланып, пайдалануға берілген бұл мектеп – талай ұрпақтың арманы мен үмітін ақтаған, сан мыңдаған шәкіртке білім нәрін сыйлаған қасиетті қара шаңырақ. Уақыт өтсе де, білімге деген жауапкершілігі мен рухани миссиясы ешқашан әлсіреген емес. Сыйымдылығы 600 орынға арналған оқу орны өз тарихында талай кезеңді бастан өткеріп, әр дәуірдің талабына сай дамып, жаңарып отырды.

Мектеп – тек білім беретін ғимарат қана емес, ол – адам қалыптастыратын үлкен тәрбие мекені. Осы білім ордасының қабырғасында талай баланың ойы оянып, талай жастың жүрегінде арман оты тұтанды. Бұл мектептің әр кірпіші, әр дәлізі, әр сынып бөлмесі – шәкірттердің балғын күлкісі мен ұстаздардың ыстық ықыласына толы.

Бүгінгі таңда мектептің тізгінін ұстап отырған директор Менилбеков Б.С. – білім сапасын арттыруды, тәрбие мен оқытуды үйлестіре жүргізуді басты мақсат еткен басшы. Оның жетекшілігімен мектеп ұжымы бір мақсат, бір мүдде жолында жұмыла еңбек етіп, заман талабына сай жаңашылдық пен ұлттық құндылықтарды ұштастыра отырып, оқу-тәрбие жұмыстарын жүйелі түрде жүзеге асыруда.

Қазіргі мектеп тынысы

2025–2026 оқу жылында мектепте барлығы 396 оқушы білім алып, 22 сынып комплектісі жұмыс істейді. Оқушыларға сапалы білім мен саналы тәрбие беріп жүрген 54 ұстаз – өз ісінің шынайы мамандары. Олар әр сабағында оқушыны тек білім алушы емес, ертеңгі ел тірегі, қоғам мүшесі ретінде тәрбиелеуге баса мән береді. Ұстаздар қауымы – мектептің жүрегі. Әрбір мұғалімнің еңбегі – көзге көрінбейтін, бірақ қоғам үшін аса маңызды еңбек. Олар шәкірттерін ізденіске, ойлауға, талдауға, өз ойын еркін жеткізе білуге баули отырып, болашаққа сеніммен қадам басуына жол ашады.

Үлкен шаңырақ – бай тарих

Бұл мектеп өз тарихында ерекше кезеңдерді бастан кешірді. Әсіресе 1980-жылдары мектеп нағыз үлкен шаңыраққа айналып, 1200-ге жуық оқушыға білім мен тәрбие берді. Ол жылдары мектептің дәліздері баланың күлкісіне толып, сыныптарда білімге деген құштарлық ерекше сезілетін.

Сол бір жарқын кезеңдерде бұл білім ордасында ел есінде қалған, өз заманының білікті де білімді, жүрегі мейірімге толы айтулы ұстаздар қызмет етті. Олар шәкірт тәрбиелеуді өмірлік мұрат етіп, әр баланың бойынан қабілет пен талантты көре білді.

Ұстаздар – мектеп тарихының алтын қоры

Мектеп тарихында есімі алтын әріппен жазылған ұстаздар аз емес. Солардың қатарында:

Бәкірбаева Ш. апай – шәкірттеріне аналық мейіріммен қарап, білім мен тәрбиені қатар ұштастырған ұлағатты ұстаз, география пәнінің мұғалімі;
 Абаева К. апай – сабырлы мінезімен, терең білімімен талай шәкірттің жүрегіне жол тапқан жан, математика пәнінің қыр сырын жақсы меңгерген ұстаз;
 Халықов Т. ағай – талапшылдық пен әділдікті ұстанған, білімге жауапкершілікпен қарауды үйреткен ұстаз, физика пәнінен сабақ берген;
 Исмайлов К. ағай – шәкірттерін ойлауға, өз ойын дәлелдеуге баулыған, шынайы педагог, тарих пәнінің мұғалімі;
 Дабылтаев Есберген ағай – еңбегімен, адами болмысымен көпке үлгі болған, өнегелі ұстаз, осы мектепете көп жылдар директор қызметін қоса атқарған ұстаз;
 Еркетаева Тохан апай – шәкірт жанына жол таба білген, тәрбиенің нәзік қырларын меңгерген жан, география пәнінің мұғалімі;
 Есеналиева Тохан апай – ұстаздық пен адамгершілікті қатар алып жүрген, шәкірттерінің сүйікті апайы, қазақ тілі мен әдебиет пәнінен сабақ беріп, сауаттылыққа өз үлесін қосқан айтулы , мейірімді ұстаз;
 Меңлібеков С. ағай – еңбекқорлығымен, табандылығымен ерекшеленген, ұжымға сыйлы ұстаз, қазақ тілі мен әдебиет пәнінің мұғалімі;
 Таубаева Р. апай – білімге адалдықтың, ұстаздық парызға беріктіктің үлгісін көрсеткен, қазақ тілі мен әдебиет пәнінен сабақ беретін майталман ұстаз;

Дауренбекова Б. – қазақ тілі мен әдебиеті пәнінен шәкірттерін сөз құдіретін түсінуге, ұлттық рухты қадірлеуге баулыған білікті ұстаз;
 Иманбаева Н. – орыс тілі пәнінің мұғалімі ретінде оқушылардың тілдік сауаттылығын арттырып, мәдениетаралық қарым-қатынасқа тәрбиелеген тәжірибелі педагог;
 Маханбетова Н. – орыс тілі пәнінен талай шәкірттің білім көкжиегін кеңейтіп, жауапкершілік пен ізденіске баулыған ұстаз.

Бұл ардақты жандар шәкірттерге тек пән үйретіп қана қойған жоқ, олар өмір сүрудің, адам болудың, елге қызмет етудің мәнін ұқтырды. Әрқайсысы өз ісімен, сөзімен, болмысымен жас ұрпаққа сара жол салып берді.

Ұрпақ сабақтастығы – мәңгілік құндылық

Бүгінгі мектеп – кешегі ұлағатты ұстаздардың аманатын арқалап келе жатқан, сол дәстүрді жалғастырып отырған білім ордасы. Ұрпақ сабақтастығы сақталған жерде мектептің рухы ешқашан өшпейді. Кеше осы мектептен түлеп ұшқан түлектер бүгінгі күні елдің әр саласында еңбек етіп, қоғам дамуына өз үлесін қосып жүр.

Мектеп – өткен мен бүгінді, тарих пен болашақты жалғаған алтын көпір. Бұл шаңырақта әлі талай шәкірт білім алып, талай арман жүзеге асары сөзсіз. Осындай бай тарихы мен тағылымы мол мектеп – әрқашан ел мақтанышы.

Гүлзат Қайдаровна өз еңбек жолын 1988 жылы осы қара шаңырақта математика пәнінің мұғалімі ретінде бастады. Жас маман бола жүріп, ол білімге деген жауапкершілігімен, талапшылдығымен, әр оқушының жүрегіне жол таба білетін ұстаздық шеберлігімен аз уақыттың ішінде әріптестері мен шәкірттерінің құрметіне ие болды. Математикадай күрделі пәнді шәкірттеріне түсінікті де тартымды етіп жеткізіп, логикалық ойлау мен тәртіпке баулыды.

Уақыт өте келе оның ұйымдастырушылық қабілеті, ұжыммен тіл табыса білетін іскерлігі айқын көрінді. 2004 жылдан бастап Гүлзат апай ДОЖЖО қызметін қоса атқарып, мектептегі тәрбие жұмысының жүйелі жүргізілуіне өлшеусіз үлес қосты. Бұл қызметте ол тек талап қоя білетін басшы ғана емес, әріптестеріне тірек, оқушыларға бағыт-бағдар беретін қамқор жан ретінде танылды. Мектеп өміріндегі әрбір тәрбиелік іс-шара оның ұқыптылығы мен жауапкершілігінің айқын көрінісі болды.

Гүлзат Қайдаровнаның өмір жолы – ұстаздық әулеттің жалғасы. Оның анасы, Есеналиева Тоханда – елге белгілі, айтулы аға ұстаз, саналы ғұмырын білім беру ісіне арнаған тағылымды тұлға. Анадан дарыған ұстаздық қасиет, бала жүрегіне жылу бере білетін мейірім мен парасат Гүлзат апайдың болмысынан айқын сезіледі.

Ұстаздық пен басшылық қызметті қатар алып жүре отырып, Гүлзат апай өнегелі отбасы қалыптастырды. Ол екі ұл, бір қызды тәрбиелеп өсіріп, отбасында да, қызметте де жауапкершілік пен адамгершілікті биік қойды. Балаларына адал еңбек пен білімге құрметті өмірлік ұстаным етіп дарыта білді.

2025 жылдың 18 желтоқсанында Тескенбаева Гүлзат Қайдаровна зейнет жасына жетіп, ұзақ жылдарға созылған абыройлы еңбек жолын мәртебелі белеске жеткізді. Бұл – тынымсыз еңбектің, адал қызметтің, шәкірт пен әріптес ықыласының заңды жемісі.

Гүлзат апайдың есімі мектеп тарихында білікті мұғалім, іскер ДОЖЖО, адамгершілігі мол ұстаз ретінде мәңгі сақталады. Оның еңбегі – шәкірт жадында, тәлімі – жас мамандарға үлгі, өмір жолы – кейінгі ұрпаққа өнеге. Ұлағатты ұстазға зор денсаулық, отбасына амандық, зейнеткерлік өміріне береке мен тыныштық тілейміз.

Айтбаева Лаззат – ұстаздықты жай мамандық емес, өмірлік мұрат, жүрек қалауы деп білген жан. Ол талай жылдар бойы мектеп қабырғасында адал еңбек етіп, жүздеген шәкіртке білім мен тәрбие берді. Көркем еңбек сабағында тек қолөнердің қыр-сырын ғана үйретіп қойған жоқ, әсемдікке баулып, шыдамдылық пен ұқыптылықты, еңбекке деген сүйіспеншілікті шәкірт жүрегіне ұялата білді. Оның әр сабағы – тәрбие мен тағылымға толы өмір сабағы еді.

Ұстаздың қолынан шыққан әрбір жұмыс – оның жан дүниесінің айнасы іспетті. Оқушыларының жетістігіне шын қуанып, қателігіне жанашырлықпен қарап, әр баланың бойындағы қабілетті көре білді. Лаззат апайдың мейірімі мен талапшылдығы талай шәкірттің өзіне деген сенімін оятып, болашақ жолын табуына ықпал етті.

2025 жылдың 1 желтоқсанында Айтбаева Лаззат зейнеткерлік жасқа жетіп, абыройлы еңбек жолын қорытындылады. Бұл – бір дәуірдің аяқталып, саналы ғұмырдың еңбектен өрілген шежіреге айналған сәті. Оның ерен еңбегі – шәкірт жүрегінде, әріптестерінің құрметінде, мектеп тарихында мәңгі сақталады.

Лаззат апай – жас мамандарға үлгі болған, ұстаздықтың биік мәртебесін өз ісімен дәлелдеген аға ұстаз. Сабырлы болмысы, жауапкершілігі, еңбекқорлығы мен адамгершілігі оны әрдайым көптің сыйлысы етті. Ол тәрбиелеген шәкірттер бүгінде әр салада еңбек етіп, ұстазынан алған тәлімді өмірлік бағдар етіп келеді.

Ұстаз үшін ең үлкен марапат – шәкіртінің жетістігі. Осы тұрғыдан алғанда, Айтбаева Лаззаттың еңбегі өлшеусіз, жолы жарқын. Зейнетке шықса да, оның өнегесі мен үлгісі, жылы сөзі мен ақылы талай буынға рухани азық болары сөзсіз.

Ұлағатты ұстазға алғысымыз шексіз. Сіздің маңдай теріңізбен келген еңбегіңіз – ұрпақ жадында, жүректерде мәңгі сақталады. Сізге зор денсаулық, ұзақ ғұмыр, отбасыңызға амандық тілейміз!

1. Жалпы мәлімет

Меркі ауданы — Жамбыл облысының оңтүстік-шығысында орналасқан, табиғаты алуан түрлі, ауыл шаруашылығы жақсы дамыған өңір.
 Кеңес ауылы — ауданның солтүстік-батыс бөлігінде орналасқан, Кеңес ауылдық округінің орталығы.

Ауылдың тарихы

• 1929 жылы алғаш рет артель/колхоз ретінде құрылған.
• Кеңес дәуірінде «Қазақстан» колхозы ретінде белгілі болды.
• Ауыл шаруашылығы бағытында дамыған елді мекен.

Халқы

• 2021 жылғы дерек: 1 977 адам.
• Халық ауыл шаруашылығымен, жеке кәсіппен және қызмет көрсету саласымен айналысады.

Кеңес ауылында:

• №6 жалпы орта білім беретін мектеп
• Мәдениет үйі
• Медицина пункті
• Спорт алаңдары
• Ауылдық әкімдік
• Сауда нүктелері, шағын дүкендер
• Қоғамдық көлік қатынасы

 Экономикасы

• Негізгі сала — мал шаруашылығы
  • ірі қара
  • қой-ешкі
  • жылқы
• Егін шаруашылығы:
  • арпа, бидай
  • жоңышқа
  • көкөніс дақылдары
• Шағын кәсіпкерлік дамып келеді (дүкендер, шеберханалар, жеке шаруашылықтар)

 Білім беру

• №6 мектеп — ауылдың басты білім ордасы.
• Мектепте пән кабинеттері, спорт залы, кітапхана, информатика сыныптары бар.
• Жас мамандарды тарту жұмысы жүріп жатыр.

 Денсаулық сақтау

• Фельдшерлік пункт жұмыс істейді.
• Тұрғындар көбіне Меркі аудандық орталық ауруханасына жүгінеді.

 Мәдениет және спорт

• Мәдениет үйінде:
  • концерттік іс-шаралар
  • жиналыстар
  • үйірмелер өткізіледі
• Жастар арасында футбол, волейбол белсенді дамып келеді.

Кеңес ауылы — Меркі ауданының қалыптасқан, ауыл шаруашылығы дамыған, мәдени және әлеуметтік өмірі тұрақты елді мекендерінің бірі. Табиғи жағдайының қолайлылығы, экономикасының ауыл шаруашылығына бағытталуы және инфрақұрылымының жақсаруы ауылдың болашақта одан әрі дамуына үлкен мүмкіндік береді.

Мақсаты: Оқушыларға өз ұлтының мақтанышы Қаныш Сәтпаев туралы таныстыру;
 1) Оқушылардың болашаққа бағдар жасауы үшін өткен тарихын бойларына қалыптастыру;
 2). Қаныш Сәтпаевың ғылым жолын және еңбектерін оқушылардың бойына дарыту;
 3)Оқушыларға білімділікті, еңбекқорлықты, тарихты қастерлей білуге тәрбиелеу;

«Қыз жібек» атты қыздар клубымен «Өнерлі қыз, өнегелі жеңге» тақырыбында мектепішілік байқау ұйымдастырылып, өткізілді.

Жеңге мен қайын сіңлі арасындағы өзара сыйластықты,бір-біріне деген сүйіспеншілікті нығайтып,ана мен бала,жеңге мен қыз арасындағы тәрбиені одан әрі дамыту,адамгершілік қасиеттерін,Отанын,тілін,қазақи салт-дәстүрді қадірлеуге,туыстық қатынас,соның ішінде жеңгесінің алар орны мен рөлін ұғынуға тәрбиелеу. Халқымыздың бойына ғасырлап сіңген ұлттық мінез,ұлттық тәрбие,жақсы дәстүрімізді жаңғыртып,ұлағатты қасиеттерді сіңіріп,үлгі-өнеге алуға,шыншылдыққа баулып, ар тазалығын жоғары ұстайтын қылықты қыз тәрбиелеу және жеңге мен қайынсіңілі арасындағы қарым-қатынасты нығайту мақсатындағы іс-шара өз деңгейінде өтті.