Түлек - СШ№6 Кенес

Жамбылбек Тоғжан Ерланқызы

admin — Mon, 19 Aug 2024 12:33:03 +0600

Академик Е.А. Бөкетов атындағы Қарағанды университетінің грант иегері.

Құттықтаймыз!

Бауыржан Нұршат

admin — Mon, 19 Aug 2024 12:24:59 +0600

Қазақ ұлттық аграрлық зерттеу университетінің грант иегері

Құттықтаймыз!

Хабарландыру

admin — Fri, 15 Dec 2023 11:13:25 +0600

«Қыздар білуге тиіс...» тұрмыстық қажеттіліктер

admin — Mon, 27 Nov 2023 17:41:07 +0600

"Біртұтас тәрбие" бағдарламасы аясында қазақтың дәстүрлі отбасындағы тәрбиеге ықпалды жеңгелер мектебінің жұмысын келіндердің педагогикалық мәдениетін көтеру арқылы қыз баланың тәрбиелеудің этнопедагогикалық мүмкіндіктерін пайдалану, жеңгенің отбасында қыз баланың қамқоры екендігін түсіндіру, жеңгенің қазақтың салт-дәстүрін сақтаудағы рөлін, отбасындағы қарым-қатынас мәдениетін сақтаушы ретінде рөлін ашу арқылы қыз балаларды болашақ өмірге даярлауда тәрбие берудегі үлгісін нақты мысалдармен ашу мақсатында №6 жалпы орта білім беретін мектеп «Қыздар білуге тиіс...» тақырыбында жеңгелер байқауы өткізілді. Мектеп директорының тәрбие ісі жөніндегі орынбасары Балабекова Ж. отбасындағы келіннің рөлі өзінің келген ортасын сыйлау, құрметтеу арқылы үй-ішінің тірліктерін атқаруды меңгерумен басталып, отбасылық қарым-қатынастың реттелуі келіннің іс-әрекетінен көрініс табатындығы, басты мақсат: келген жерінде орнын табу, сыйлай білу, сыйымды болу арқылы өз тамырын жайып, өсіп-өну екендігіне тоқталып өтті. Қыз бала үшін жеңге – таптырмайтын жанашыр. Өз тәжірибесінен көргені мен түйгенін айта отырып іс-шара барысында қайын сіңілілерімен қамыр илеу, қамыр жаю, киім тігу, тәтті бәліштерді қалай әзірлеуге болатынын бірге үйретіп, көрсетті. Іс-шараға мектеп директоры Б.С.Менилбеков, оқу ісі жөніндегі орынбасары Тескенбаева Г, Спанкулова Л, сарапшы ретінде әр бөлімді қорытындылап отырды. Жеңгелеріміз өз ойларымен бөлісті. Ұлттық құндылықтарға негізделген тәрбиелік іс-шара соңында «Қоржынға не алдым?» кері байланысы жүргізілді. Жеңгелер сайысында жеңімпаздар номинациямен марапатталды. "Жеңгелермен өмір нұрлы, отбасы жылылыққа толы, кез келген қыз бала – болашақ отбасының ұйытқысы, тәрбиеге жетекші екенін ұмытпаңдар" деп қорытындылады.

«Балаға мейірім сыйла» атты қамқорлық акциясы

admin — Fri, 24 Nov 2023 01:23:28 +0600

2023 жылдың 20-24 қараша аралығында «Балаға мейірім сыйла» атты қамқорлық акциясы болып өтті. Мектебіміздің әлеуметтік педагогі Шалабаева З. жетім, жартылай жетім, аз қамтылған отбасыдан шыққан, әлеуметтік көмекті қажет ететін оқушыларды сынып жетекшілермен бірге анықтап іс-шара жоспарын жасады. 21-қараша күні бейнелеу, еңбек пәні мұғалімдері және сынып жетекшілер бірігіп «өнерлі қолдар» көрмесін ұйымдастырды. Сынып аралығында жәрмеңке ұйымдастырылды. 23-қаңтар күні жетім, жартылай жетім, аз қамтылған отбасыдан шыққан, әлеуметтік көмекті қажет ететін 5-оқушыны жеке кәсіпкердің демеушілігімен киім кешек ұйымдастырылды.
24-қараша күні мектебімізде «Балаға мейірім сыйла» жәрмеңкесі болып өтті. Жеке кәсіпкердің демеушілігімен және мектеп әкімшілігінің қаржылай көмегімен жетім, жартылай жетім, аз қамтылған отбасыдан шыққан, әлеуметтік көмекті қажет ететін бірнеше оқушыларға қысқы куртка, көйлек, етік сияқты заттай және ақшалай жәрдем көрсетілді. Соңынан «Мейірімді жүрек» концерттік бағдарламасы ұйымдастырылып, балаларға мейірімділік, сыйласу, адамгершілік қасиетке баулу жұмыстары жүргізілді.
«Қайырымдылық жасасаң, қайырымын өзің көресің» — деген екен дана халық. Қайырымдылық — халқымыздың ең ізгі қасиеттерінің бірі. «Жанашырлыққа — жан риза» дегендей кемтар, жетім, қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске ат салысу әрбір адамның азаматтық парызы. Адам өміріндегі ең игі істерінің бірі – мұқтаж жандарға қамқорлық жасау. Адамдар бір — біріне қайырымдылық, мейірімділік таныту арқылы жақсылық жасайды.Қамқорлықты қажет ететін жандарға қол ұшын беру арқылы адам баласы жақсылыққа қадам бастайды.
Мектебімізде «Балаға мейірім сыйла» қайырымдылық акциясы дәстүрлі түрде екі -үш жылдан бері өз жалғасын тауып келеді. Акцияның басты мақсаты балаларды орта біліммен толық қамтылуына жағдай туғызу. Маңызды міндетіміз қамқорлық жасау.
«Жылуы жоқ үйден без, қайырымы жоқ биден без»,- дегендей қайырымдылық, адамгершілікті биік ұстап, кісілікті ту етіп, көкірегі қаяулы, жаны жаралы жанның жасын сүртіп, жылы лебізін аямай, қолдан келген жәрдемін ұсынып, достық пейілдерін таныт қан азаматтарға алғыс айтамыз.

"Қолымызды жазалау үшін емес, қорғау үшін көтереміз" флешмоб

admin — Wed, 15 Nov 2023 11:46:29 +0600

№6 жалпы орта білім беретін мектебінде педагог -психологының буллинг, кибербулинг, зорлық- зомбылықтың алдын- алу бойынша жүргізілетін жылдық жұмыс жоспары аясында 8-10 сынып аралығында қараша айының 15- і күні "Қолымызды жазалау үшін емес, қорғау үшін көтереміз" тақырыбында флешмоб ұйымдастырылды.

Біздің қоғамдағы әділеттілік» тақырыбында өткізген адалдық сағаты.

admin — Thu, 09 Nov 2023 01:11:41 +0600

Біздің қоғамдағы әділеттілік» тақырыбында өткізген адалдық сағаты.

Жалпы оқушылар бойында қалыптасқан ойларын ашық жеткізіп, өз бойындағы бар құндылықтар мен қалыптастыру керек құндылықтарды айқындады.

Мұғалімнің мақсаты қоғамның әділеттілігіне сенім қалыптастыру.Оқушыларға өзге елді салыстыру арқылы өз елінің әділеттілігін сезіндіре алды.

" Ақындар айтысы-2023"сайысы

admin — Tue, 24 Oct 2023 14:17:22 +0600

Айтыс — ауыз әдебиетінде ежелден қалыптасқан поэзиялық жанр, топ алдында қолма-қол суырып салып айтылатын сөз сайысы, жыр жарысы. Айтыс - әдебиет жанры болғанымен, ертеден қалыптасқан халықтық дәстүрдің үлкен түрі. Ойын, той, ас, қыз ұзату, келін түсіру сияқты қазақ тойлары жүйрік ат, білекті палуандармен бірге айтыс ақындары да қатысып, олар айтыс арқылы той қызығы мен мәртебесін көтере түскен. Осы орайда мектебімізде
2023 жылдың қазан айының 24 күні Республика күні мерекесіне орай
"Төрт тоқсан-төрт өнер“ мәдени-ағартушылық жобасы аясында "Айтыс өнері-2023" жас ақындар айтысы сайысы өтті. Сайысқа 7-8 сынып білім алушыларынан 2 жас ақындарымыз өнерін ортаға салды.
#1ТоқсанАқындарАйтысы
#ҚРБҒМ
#ЖАМБЫЛОБЛЫСЫНЫҢБІЛІМБАСҚАРМАСЫ
#Меркіауданы #6ЖОББМ

Қазақ күресінен орын алған жеңімпаздар

admin — Tue, 24 Oct 2023 10:59:31 +0600

Аудандық әкімдігінің денешынықтыру және спорт бөлімі қазақ күресінен 2008-2009 жылдары туылған кіші жасөспірімдер арасында өткен Бөрібек Тоғызбайұлын еске алуға арналған IХ Республикалық турнирде II орын алған Базарбай Мұрагер, III орын алған Жексенбі Атанар марапатталды.

«Әжелер мектебі»

admin — Mon, 23 Oct 2023 18:33:01 +0600

«Әжелер мектебі» жобасы аясында «Әжем және мен» атты мерекелік іс - шара өтті. Немерелері әжелеріне өз өнерлерін танытып, бірлесіп сурет салып уақытты көңілді өткізді. Әжелері немерелеріне сүйсіне жылы сөздерін айтып, батасын берді.