11-сынып оқушылары үшін қазақ тілі пәнінен қорытынды емтихан өткізілді.
2026 жылғы 9 маусым күні мектептің 11-сынып оқушылары үшін қазақ тілі пәнінен қорытынды емтихан өткізілді. Емтиханға барлығы 33 оқушы қатысты. Оның ішінде 16 оқушы жаратылыстану-математикалық бағыт бойынша, ал 17 оқушы қоғамдық-гуманитарлық бағыт бойынша білімдерін сынады. Қазақ тілі пәнінен емтиханның негізгі мақсаты – білім алушылардың мемлекеттік тіл бойынша меңгерген білім, білік және дағдыларын анықтау, функционалдық сауаттылығын бағалау, тілдік нормаларды дұрыс қолдану деңгейін тексеру, сондай-ақ оқу бағдарламасы аясында игерілген материалдарды қорытындылау болды.
Емтиханның міндеттері:
- оқушылардың қазақ тілі пәні бойынша теориялық білімдерінің деңгейін анықтау;
- сауатты жазу, мәтінді түсіну және талдау дағдыларын бағалау;
- мемлекеттік тілде өз ойын жүйелі жеткізу қабілетін тексеру;
- оқу бағдарламасында қарастырылған тақырыптар бойынша білім сапасын саралау;
- қорытынды аттестаттау талаптарының орындалуын қамтамасыз ету.
Емтихан белгіленген кестеге сәйкес ұйымдастырылып, барлық нормативтік талаптар мен ережелер сақталды. Емтихан өткізу барысында аудиториялар алдын ала дайындалып, қажетті құжаттар мен материалдар қамтамасыз етілді. Школьникам емтиханның өту тәртібі, талаптары мен уақыт мөлшері түсіндірілді. Емтихан кезінде академиялық адалдық қағидалары қатаң сақталып, білім алушыларға тең жағдай жасалды. Емтихан жұмыстарын ұйымдастыру және өткізу жұмыстарына қазақ тілі пәнінің мұғалімдері Қалдыбаева Г. және Серикова З. жауапты болды. Пән мұғалімдері емтихан материалдарының талапқа сай жүргізілуін қадағалап, оқушыларға нұсқаулық жұмыстарын жүргізді. Емтихан барысында тәртіп бұзу фактілері тіркелген жоқ. Барлық оқушылар емтихан тапсырмаларын белгіленген уақыт ішінде орындап шықты. Емтихан тапсырмалары оқу бағдарламасының мазмұнына сәйкес құрастырылып, оқушылардың тыңдалым, оқылым, жазылым және тілдік дағдыларын кешенді түрде бағалауға бағытталды. Тапсырмалар білім алушылардың пән бойынша меңгерген білімдерін жан-жақты анықтауға мүмкіндік берді. Қорытындылай келе, 2026 жылғы 9 маусымда өткізілген 11-сыныптың қазақ тілі пәнінен қорытынды емтиханы талапқа сай деңгейде ұйымдастырылып, өз мақсатына жетті. Емтиханның өткізілу барысында барлық белгіленген ережелер мен талаптар сақталды. Оқушылар өз білімдерін көрсетіп, мемлекеттік білім беру стандартына сәйкес қорытынды аттестаттаудан өтті.
