«Баскетбол» үйірмесі

«Баскетбол» үйірмесі мектепте 2021 жылдан бастап жүргізіліп келеді. Үйірмені дене шынықтыру пәнінің мұғалімі Мэлс Тельтаев жүргізеді. Үйірмеге 8-9 сыныптан 30 оқушы қатысады. Үйірме бекітілген кесте бойынша аптасына 2 рет сәрсенбі, жұма күндері өткізіліп жатыр. Үйірме жылда өз нәтижесін көрсетіп, жақсы жетістіктерді көрсетіп жүр. Мектеп ұлттық лигасында облыс көлемінде ойнап, алдыңғы қатарлы орындарға ие болды. Аудан көлемінде жыл сайын спартакиада және мектеп ұлттық лигасында бас жүлделерге ие болып жүр. Үйірменің құрамындағы 9 сынып оқушылары Совет Айша, Жексенбі Айым, Ералиева Аружан, Дихан Нұрдәулет, Еркебұлан Рамазан, Жексенбі Ержігіт, Таулын Қадыр шебер ойыншылар. Олар баскетбол ойынының қыр сырын толық меңгерді. Салауатты өмір салтын қалыптастыруда «Баскетбол» үйірмесінің оқушылар үшін пайдасы мол.