«Естелік» атты тақырыпта Ауған соғысы ардагерлеріне арналған бұрышқа саяхат
2024 жылының ақпан айының 13 күні мектепте Кеңес әскерлері шектелген контингентінің Ауғанстан Демократиялық Республикасынан шығарылғанына 35 жыл толуына орай
«Естелік» атты тақырыпта Ауған соғысы ардагерлеріне арналған бұрышқа саяхат жасай отырып, 5-9 сыныптарына таныстырылым жасады.
Тарих пәнінің мұғалімі Р.Рахышова
-Ауған соғысы – жүректе жазылмайтын, тарихта орын алатын ерекше беттердің бірі. Ауғанстан оқ пен оттың ортасынан оралған ардагерлер үшін жазылмас жан жарасы десе де болады. Онда он екіде бір гүлі ашылмаған қаншама боздақтар қаза тауып, жат жерде қалды десеңізші. Әрине, арада жылдар жылжып өткенімен, ерлікпен қаза тапқан ержүрек жауынгерлеріміздің ерлігі ел есінде мәңгі сақталады. Осы алапат қанды соғысқа біздің ауданнан да он бес жауынгер интернационалдық борышын өтеуге атанған екен. Сондықтан да кейінгі жас буынға ауған ардагерлерінің өжеттігін үлгі ету, ауған соғысында опат болған жауынгерлердің рухына тағзым етуге, есімдерін қастерлеуге тәрбиелеу - әрқайсымыздың қасиетті борышымыз,-деді.