9-сынып оқушыларына алгебра пәнінен қорытынды емтихан өткізілді.
2026 жылғы 29 мамырда 9-сынып оқушыларына алгебра пәнінен қорытынды емтихан өткізілді. Емтиханды пән мұғалімдері Мауленкулова С. және Кенжебек Н. ұйымдастырып, өткізді. 9-сынып бойынша барлығы 42 оқушы емтиханға толық қатысып, қатысу көрсеткіші 100% болды.
Емтиханның мақсаты:
Оқушылардың алгебра пәні бойынша мемлекеттік білім стандартына сәйкес меңгерген білім, білік және дағдыларын анықтау;
Теориялық білімдерін практикада қолдану деңгейін бағалау;
Логикалық ойлау, есеп шығару және математикалық сауаттылық қабілеттерін тексеру.
Емтиханның міндеттері:
Оқу бағдарламасы бойынша алған білімдерінің сапасын бағалау;
Негізгі тақырыптар бойынша білім деңгейін анықтау;
Оқушылардың өз бетінше жұмыс жасау және есептерді шешу дағдыларын тексеру;
Келесі білім беру деңгейіне дайындықтарын саралау.
Емтихан белгіленген кестеге сәйкес, талапқа сай жағдайда өткізілді. Оқушылар емтихан тапсырмаларын орындап, өз білімдерін көрсетті. Емтихан барысында академиялық адалдық талаптары сақталды.
Алгебра пәнінен қорытынды емтихан ұйымдасқан түрде өткізіліп, 9-сыныптың 42 оқушысы толық қатысты. Емтихан оқушылардың пән бойынша білім деңгейін анықтауға және оқу жетістіктерін бағалауға мүмкіндік берді. Алгебра пәнінен өткізілген қорытынды емтихан ұйымдасқан және талапқа сай деңгейде өтті. Барлық 42 оқушы емтиханға қатысып, білім сапасы 75% нәтижені көрсетті. Емтихан нәтижелері оқушылардың оқу бағдарламасын меңгеру деңгейінің жақсы екенін көрсетті.
