«Әскери жолмен, жігерлі ұлан болайық» атты кездесу

     7 мамыр-Отан қорғаушылар күні. Бұл мереке әр кезде де батылдық пен ерліктің, қахармандық пен елдіктің нышаны, Отанға деген сүйіспеншілік пен адалдықтың өлшемі, болашақ ұрпақтар үшін, егемен еліміздің тәуелсіздігін қорғаушылардың бәрі үшін жарқын үлгі болып қала береді. Осы мерекеге орай №6 ЖОББ мектебінде «Әскери жолмен, жігерлі ұлан болайық» атты кездесу өтті. Кездесудің мақсаты: жоғары сынып оқушыларына Отанды сүюге, ерлік көрсеткен батырлардың бойындағы ержүректілік, отан сүйгіштік, ұлтжандылық қасиеттерін дәріптеу, Отанын, елін қорғай білуге тәрбиелеу. Кездесуде Кеңес округ шекара қызметкерлері  жастардың бойына елжандылық пен отансүйгіштік сезімдерін қалыптастырып, өз еліміздің тәуелсіздігін қадірлей білуге, оны өз бетінше қорғай білуге тәрбиеледі. Осындай кездесулер жасөспірімдердің патриоттық тәрбиесін, өз Отанына деген адалдық пен сүйіспеншілік сезімін қалыптастырады.