Анарбек Қарақат Ұлттық бірыңғай тестілеуден сәтті өтіп, 103 балл жинады. Бұл – оның білімге деген құштарлығы мен жүйелі еңбегінің нәтижесі.
Арманға бастар жолдағы маңызды қадам
2025–2026 оқу жылында №6 жалпы орта білім беретін мектебінің 11-сынып оқушысы Анарбек Қарақат Ұлттық бірыңғай тестілеуден сәтті өтіп, 103 балл жинады. Бұл – оның білімге деген құштарлығы мен жүйелі еңбегінің нәтижесі. Қарақат ҰБТ-да таңдау пәндері ретінде қазақ тілі мен әдебиетін таңдады. Мектеп қабырғасында білім алып жүрген жылдары ол жауапкершілігі жоғары, ізденімпаз әрі талапшыл оқушы ретінде танылды. Әсіресе, қазақ тілі мен әдебиеті пәндеріне деген қызығушылығы оның білімін тереңдетіп, жақсы нәтижеге қол жеткізуіне мүмкіндік берді. Ұлттық бірыңғай тестілеуге дайындық барысында Қарақат өз білімін жетілдіруге ерекше көңіл бөліп, уақытын тиімді пайдалана білді. Үнемі ізденіп, алдына қойған мақсатына сеніммен қадам басуы оның жоғары көрсеткішке жетуіне негіз болды. Бұл жетістік – оқушының табанды еңбегімен қатар, сапалы білім берген ұстаздарының және әрдайым қолдау көрсеткен ата-анасының ортақ қуанышы. Қарақаттың жетістігі мектеп оқушыларына үлгі болып, білімге деген ынтаны арттыра түседі. №6 жалпы орта білім беретін мектебінің ұжымы Анарбек Қарақатты ҰБТ-дағы нәтижесімен шын жүректен құттықтайды. Алдағы уақытта таңдаған мамандығы бойынша биік белестерді бағындырып, ел игілігі үшін қызмет ететін білімді де білікті маман болуына тілектеспіз.
Жетістікке жетудің басты кепілі – білім, еңбек және мақсатқа деген сенім!