Айдаралы Жаннұр Ерназарқызы Ұлттық бірыңғай тестілеуден жоғары нәтиже көрсетіп, 117 балл жинады.
ҰБТ-дағы жоғары нәтиже – тынымсыз еңбектің жемісі
2025–2026 оқу жылында №6 жалпы орта білім беретін мектебінің 11-сынып оқушысы Айдаралы Жаннұр Ерназарқызы Ұлттық бірыңғай тестілеуден жоғары нәтиже көрсетіп, 117 балл жинады. Бұл – оқушының ұзақ жылғы ізденісі мен жүйелі дайындығының, сондай-ақ ұстаздар мен ата-анасының қолдауының жарқын көрінісі. Жаннұр ҰБТ-да таңдау пәндері ретінде қазақ тілі мен әдебиетін таңдады. Ол мектеп қабырғасында білім алып жүрген уақытында оқу озаты ретінде танылып, қоғамдық жұмыстарға белсенді қатысып, түрлі білім бәйгелерінде өз қабілетін көрсете білді. Әсіресе, ана тілі мен әдебиетке деген қызығушылығы оның білім деңгейін арттырып, жоғары нәтижеге жетуіне негіз болды. Ұлттық бірыңғай тестілеуге дайындық барысында Жаннұр өзіне үлкен жауапкершілік жүктеп, әр пән бойынша білімін жетілдіруге ерекше көңіл бөлді. Оның табандылығы мен еңбекқорлығы нәтижесінде жоғары көрсеткішке қол жеткізіп, мектебінің мерейін үстем етті. Бұл жетістік – тек Жаннұрдың ғана емес, оны білім нәрімен сусындатқан ұстаздарының және әрдайым қолдау білдірген ата-анасының ортақ жеңісі. Осындай талапты да талантты шәкірттің жетістігі кейінгі буын оқушыларына үлгі болып, оларды биік мақсаттарға ұмтылуға жігерлендіреді. №6 жалпы орта білім беретін мектебінің ұжымы Айдаралы Жаннұр Ерназарқызын ҰБТ-дағы жоғары нәтижесімен шын жүректен құттықтайды. Алдағы уақытта таңдаған мамандығының білікті иесі атанып, ел дамуына үлес қосатын азамат болуына тілектеспіз.
Жетістікке жетелеген жол – білім мен еңбектің жолы!